Árið 1971 tóku fjórir ungir menn á Selfossi sig saman og stofnuðu fyrirtæki sem hlaut nafnið Fossvélar. Það voru Baldur Valdimarsson, Guðmundur Jónsson, Hörður V. Árnason og Kári Jónsson.
Þegar eldgos hófst í Vestmannaeyjum árið 1973 fóru Fossvélar með jarðýtu og tæki til þess að vinna í kringum við eldsumbrotin. Fossvélar hafa frá 2021 sinnt mikilli vinnu við varnargarða og ýmis konar jarðvinnu vegna eldsumbrota á Reykjanesskaga.
Fossvélar hafa rekið efnissölu úr Þórustaðanámu í Ingólfsfjalli frá árinu 1975 og selt efni til vega- og gatnagerðar, í húsgrunna og fleira eftir því sem eftirspurn er fyrir. Þá hafa Fossvélar sinnt farandefnisvinnslu fyrir Vegagerðina, orkufyrirtækin og aðra viðskiptavini.
https://www.mbl.is/myndasafn/mynd/450740/
Hann Sigfús okkar hefur staðið vaktina í rúm 50 ár og það er engan bilbug á honum að finna. Hvort sem það er í námuvinnslunni eða á hlaupum á undan hrauni að bjarga vélbúnaði þá er alltaf hægt að treysta á Sigfús.
Árið 1982 breyttist eigendahópurinn. Bræðurnir Guðmundur og Kári ráku Fossvélar saman til ársins 2004 þegar Guðmundur lét af störfum fyrir aldurs sakir. Keypti Kári þá hlut Guðmundar. Ráku hjónin Kári og Guðborg Bjarnadóttir Fossvélar fram til ársins 2021.
Sigfús Öfjörð, okkar allra besti, sést hér árið 2007 að taka við nýrri Caterpillar D11R
Árið 2012 stofnaði Jón Örn Ingileifsson fyrirtækið Jón Ingileifsson ehf.
Fossvélar tóku að sér að vinna steypuefni úr árfarvegi Tungnaár og Köldukvíslar fyrir Búðarhálsvirkjun.
Árið 2016 tók Jón Ingileifsson ehf. að sér lagningu hitaveitu og annarra stofnlagna í Kjós. Það var stærsti samningur sem Jón Ingileifsson ehf. hafði fengið á þeim tíma.
Árið 2021 keypti Jón Örn Ingileifsson Fossvélar og í kjölfarið sameinuðust Jón Ingileifsson ehf. og Fossvélar ehf. undir nafni Fossvéla
Árið 2021 lagði Jón Örn grunninn að nýjum landshring Ljósleiðarans þegar hann plægði yfir 200 km af ljósleiðara. Þessi stofnlögn sinnir m.a. samböndum fyrir Farice sem tengir Ísland við umheiminn með sæstrengjum.
Vorið 2022 unnu Fossvélar að þverun Þjórsár við ósa hennar, þar sem ríflega 2,5 km haf þurfti að fara yfir. Verkefnið fólst í að plægja niður tvo sæstrengi á tveimur dögum, þar sem sjávarföllin höfðu áhrif á vatnshæðina og tímastjórnun skipti sköpum.
Fossvélar voru valin til að sjá um fyrsta áfanga Hvammsvirkjunar. Í því felst til að mynda nýbygging aðkomuvegar Hvammsvirkjunar, efnisvinnsla vegna vegagerðar og aðrar framkvæmdir verkkaupa í nágrenni framkvæmdasvæðis. Með aðkomuvegi eru lagðir rafstrengir, hitaveitulagnir, vatnsveitulagnir og ljósleiðararör.
